Gįsir

Gásir við Eyjafjörð

Flżtilyklar

Mišaldadagar į Gįsum

Fréttir

Sveršglamur, brennisteinn og langskip

mišvikudagur 13.jśl.11 09:39
Þung högg eldsmiðsins og  háreysti kaupmanna í bakgrunni ásamt sverðaglamri kappsfullra fornmanna blandast hlátrasköllum barna  á MIÐALDADÖGUM  á Gásum í Eyjafirði 16.-19. júlí.   Á MIÐALDADÖGUM færist líf í Gásakaupstað sem var forn verslunarstaður á miðöldum. Handverksfólk, íklætt miðaldaklæðnaði, vinnur að smáhandverki, leikinn verður knattleikur, barist með spjót, kolagerð reynd, brennisteinn hreinsaður og margt fleira. Auk þess sem langskipið Vésteinn mun sigla innn fjörðinn og bjóða uppá siglingar. Leiðsögn verður um fornleifasvæðið.  Nánari upplýsingar má finna á www.gasir.is

 

Það eru Gásakaupstaður ses, Minjasafnið á Akureyri og Handraðinn – miðaldahópur sem standa að MIÐALDADÖGUM  2011.

Brugðið verður á leik þar sem vafasöm verslun leikur stórt hlutverk í örleikþætti sem byggir á fólki og atburðum sem tengjast staðnum og leikinn verður knattleikur líkt og hinir fornu kappar léku með knatttré og hálmbolta.  Miðaldamenn munu sýna réttu handtökin en áhugasömum gestum gefinn kostur að taka þátt og sýna hvað í þeim býr í þessum forna leik.   Fyrir þá sem skyggnast vilja inní framtíðina er bent á Völvuna sem spáir í rúnir og börn á öllum aldri geta reynt sig við bogfimi og steinakast.  Auk þess sem börnin geta kynnst spennusögunni Gásagátunni í sögustund með  rithöfundinum Brynhildi Þórarinsdóttur.  

Handverksfólk, íklætt miðaldaklæðnaði, vinnur að leður- og vattarsaumi, jurtalitun, reipisgerð, tálgun í tré, spjaldvefnaði, boga- og örvagerð svo eitthvað sé nefnt. Gert verður til kola í fyrsta skipti í Hörgársveit í 200 ár og brennisteinn, sem var mjög mikilvæg útflutningsvara á miðöldum,  verður hreinsaður rétt eins og þá var gert.  Ljúfir tónar óma og lokkandi matarilmur úr súpupotti Laxdalshúss berast frá Gásakaupstað um héraðið.  Þessi mynd skapar rétta umhverfið fyrir Langskipið Véstein frá Þingeyri sem sigla mun þöndum seglum að Gásum laugardaginn 16. júlí. Það er í fyrsta skipti síðan á 16. öld  sem skip kemur að Gásum. Hægt að fara í siglingu en svo heldur Vésteinn leið sinni áfram á Sail Húsavík í lok dags

Back


Gįsakaupstašur ses

Umsjón með Miðaldadögum á Gásum hefur Ragna Gestsdóttir
Netfangið er ragna@minjasafnid.is og símanúmerið 462 4162 eða 867 8683

 

Picture of the day

IMG_6024.JPG

Mailinglists


...
moya - Útgáfa 1.10 RC1 2006 - Stefna ehf

Division

  • islenska
  • english

Framsetning efnis