Gásir

Gásir við Eyjafjörð eru einstakur staður 11 km norðan við Akureyri. Gásakaupstaður, verslunarstaður frá miðöldum eru friðlýstar fornleifar í umsjón Fornleifaverndar ríkisins.   Á staðnum má sjá einstakar rústir þessa forna kaupstaðar sem var við lýði allt frá 12.öld og jafnvel allt að því að verslun hófst á Akureyri á 16. öld. Hér var um sumarverslunarstað að ræða eins og tíðkaðist í þá daga.

• Brennisteinsvinnsla og byssupúður

  þriðjudagur 21.feb.12 13:47

  
  

  Nýlega birtist áhugaverð grein um brennisteinsvinnslu og gerð byssupúðurs eftir Peter Vemming. Hann er forstöðumaður Miðaldasetursins í Nykøbing á Falstri í Danaveldi. Peter er sérstakur áhugamaður um vopn og vígvélar á miðöldum. 

  Greinin birtist í fornleifatímaritinu EuroREA. Greinin er á ensku og hana má lesa hér .

  
  

• Miðaldadagar 20.-22. júlí í sumar

  þriðjudagur 14.feb.12 10:27

  Miðaldadagar verða haldnir á Gásum dagana 20. - 22. júlí í sumar eða á föstudegi í lok sólmánuðar ef við miðum við eldra tímatalið. 

  Á Miðaldadögum er reynt að endurskapa það fjölbreytta mannlíf sem hefur verið á Gásum á 13. öld, en þá var staðurinn ein aðalumskipunarhöfn Íslands og mikill verslunarstaður. Þar má sjá margvíslegt handverk, kolagerð og brennisteinsvinnslu. Þar verður að finna mærðarlega munka, varhugaverða vígamenn, heillandi heimasætur og kjaftaglaða kaupmenn.

  
  

• Vel heppnaðir MIÐALDADAGAR Á GÁSUM

  miðvikudagur 20.júl.11 09:17

  
  

  Það voru 1800 gestir sem lögðu leið sína á Miðaldadaga á Gásum í Eyjafirði 16-19. Júlí. Þar var margt að sjá sem gladdi bæði augu og eyru um leið og þeir upplifðu miðaldir um stund.  Ljúfir tónar ómuðu um kaupstaðinn og handverksfólk óf, vattarsaumaði og skar út í tré  svo eitthvað sé nefnt um leið og matarilmur  kitlaði bragðlauka. Hlátrasköll barna og fullorðna blönduðust sverðaglamri og háreysti bardagamannanna sem áttust við. Tvisvar var tekin kolagröf, kveikt í og hún opnuð við mikla eftirvæntingu Gásverja sem og gesta.  Í bæði skiptin tókst vel til og afraksturinn voru tveir vænir sekkir af kolum sem eldsmiðirnir á staðnum nýttu til þess að gera hnífa, nagla, hringnælur og fleira. Brennisteinshreinsunin gekk eins og best verður á kosið og brennisteinninn hefði á sínum tíma selst í tunnu þá bræddur fyrir 90 fiska. Langskipið Vésteinn frá Þingeyri var á Gásum á laugardeginum og sigldi með gesti sem réru af kappi um fjörðinn. 

  • Lesa meira

  
  

• Síðasti Miðaldadagurinn í dag!

  þriðjudagur 19.júl.11 07:47

  
  

  Um 1500 gestir hafa lagt leið sína á Miðaldadaga á Gásum síðustu þrjá daga. Þar er margt að sjá sem gleður auga og eyra. Kolagröf hefur nú verið tekin tvisvar og fyrri kolagerðin heppnaðist eins og best verður á kosið. Seinni kilagröfin verður opnuð í dag og eftirvænting ríkir því spennandi verður að sjá hvernig til tókst. Eldmiðirnir nýta kolin meðan þeir hamra járnið, ljúfir tónar óma um kaupstaðinn, matarilmur og hlátrasköll barna og fullorðna blandast sverðaglamai og háreysti bardagamanna sem eigast við. Kaupmennirnir laða að viðskipðtavini og ótal munir hafa skipt um eigendur. Veðrið hefur leikið við Gásverja og líkt og í gær kyssir sólin andlit og skalla. Myndin er tekin á laugardaginn af Herði Geirssyni þegar langskipið Vésteinn sigldi við Gáseyrina.

  
  

• Miðaldadagar 2012
• Hvað eru Gásir
  • Fornleifarannsóknir
  • Náttúran
• Fornleifar
  • Skýrslur
• Uppbygging
  • Hugmyndir stýrihóps
  • deiliskipulag
• Samstarf
• Myndir
• Myndbönd
• Fyrirspurnir
• Forsíða
• Videos